شروط الاستخدام

طلب الدراسة ماشي عقد

إرسال طلب دراسة مشروع ما كينشئش عقد أو التزام تلقائي. الخدمة كتبدا غير من بعد اتفاق مكتوب على النطاق، الثمن، طريقة الأداء والجدول الزمني.

الأثمنة

الـWebsite الاحترافي كيبدا من 3,500 درهم. هاد الثمن ابتدائي، والثمن النهائي كيتحدد حسب الصفحات، الوظائف، اللغات والتكاملات المطلوبة. أي نظام مخصص كيتحسب حسب احتياجات المشروع.

الإعلانات اختيارية

إعداد أو تسيير Ads خدمة اختيارية وماشي داخلة تلقائيا فثمن الموقع. ميزانية الإعلان كتكون منفصلة وكتخلص للمنصة حسب الاتفاق، وما كاين حتى ضمان لعدد محدد من النتائج.

النطاق والتغييرات

الوظائف، المحتوى، اللغات، لوحة التحكم والتكاملات كيتحددو فالاقتراح أو العقد النهائي. أي إضافة من بعد الموافقة يمكن تغير الثمن والمدة.

مدة التسليم وتعاون العميل

مدة التسليم كتبدأ حسب الاتفاق وكتعتمد على سرعة توفير المحتوى والملاحظات والولوجات والموافقات اللازمة من طرف العميل. التأخير فهاد العناصر يقدر يأثر على الموعد.

الملكية والولوج

ملكية الملفات، الدومين، الاستضافة، الحسابات، الولوج للأنظمة والتسليم النهائي كيتحددو كتابيا فالاتفاق. الحقوق النهائية كتنتقل حسب شروط الأداء والتسليم المتفق عليها.

التواصل

إلى عندك سؤال على هاد الشروط، استعمل معلومات التواصل الموجودة أسفل الصفحة. النسخة المكتوبة والموقعة الخاصة بالمشروع كتسبق أي وصف عام فالموقع إلى كان اختلاف.